انتقد الإعلامي خيري رمضان، مشهد تسليم درع الدوري الجديد لفريق النادي الأهلي، عقب انتهاء مواجهته مع جورماهيا الكيني في دوري أبطال إفريقيا.
وقال رمضان خلال برنامج "مع خيري" المذاع على قناة "المحور": "مبروك لعشاق الأهلي مبروك لنادي القرن مبروك للحاصل على بطولة الدوري الـ44 من 65 بطولة الأهلي إمبارح كان بيلاعب جروماهيا الكيني واستلم الدرع إمبارح، مبروك للأهلي فاز على جورماهيا الكيني 3-0 ووصل إلى دوري المجموعات".
وأضاف: "الأهلي إمبارح حقق المباراة الـ12 على التوالي في بطولات إفريقيا دون أن يدخل مرماه هدف واحد، الدرع اللي شوفتوه إمبارح دا مصنوع في بريطانيا داخل فيه 12 كيلو فضة وكيلو دهب".
وتابع: "الـ12 كيلو فضة كيلو الفضة 40 ألف جنيه يعني حوالي 480 ألف جنيه وكيلو الدهب بحوالي 4 مليون و40 ألف يعني الدرع ده معدي 5-6 مليون".
وواصل: "عندي ملاحظتين الملاحظة الأولى إحنا ليه صنعنا ده في إنجلترا وأحنا عندنا في خان الخليلي وفي كل حتة ناس بتشتغل على الفضة والدهب وعباقرة في التصميمات ليه رابطة الأندية متروحش على شركة وعندنا شباب واعد وعظيم يعملوا هذا الدرع، وأكيد تكلفته هتكون أقل من أني أعمله بالعملة الصعبة في بريطانيا في وقت إحنا محتاجين كل دولار".
وأكمل: "الدرع كان شكله وحش أوي لما وقعت القاعدة وأول مرة نشوف المنظر ده لماذا لم يتم النظر والتأكد الدرع أتأخر جدًا على ما جه من لندن عشان كده اتأخر تسليمه واستلمه في مباراة إفريقية في حين كان مفروض يتم تسليمه في آخر مباراة بالدوري".
