هتشتري ولا هتستني ، طيب الأسعار هتنزل ولا الزيادة هتستمر.. أسئلة كتيرة بتدور في عقول اللي مستني يشتروا عربية ترحمهم من الزحمة لكن الارتفاع الكبير في الأسعار خلاهم ينتظروا لغاية ما يشوفوا السوق رايح على فين.. ايه اللي هيحصل في سوق السيارات الفترة الجاية وهل الاسعار هتفضل تزيد ولا ممكن تنزل وامتى.. خليكم معانا للآخر وهتعرفوا التفاصيل في الفيديو ده.
حسب قوانين وقواعد الس سوق الأسعار فيه بتتحدد بناء على العرض والطلب والدرجة بينهم يعني لو الطلب زيادة اووي قصاد معروض محدود هنا الأسعار هتولع مش هترفع بس لمن لو كان فيه طلب بس مش عالي اوي قصاد معروض معقول هنا الأسعار بتزيد بس بشكل بسيط ولو العرض أكبر من الطلب يبقي الاسعار هتقل وللاسف سوق السيارات بيعاني من الحالة الاولي وهي الطلب الكبير مقابل نقص في المعروض والنتيجة الأسعار رجعت تقفز من تاني ونسمع أرقام غريبة في أسعار السيارات واللي بقت حلم بعيد المنال عن اغلب المصريين.
مشكلة سوق السيارات أنه مرتبط بصناعات كتير في مصر زي قطع الغيار ومصانع التجميع والورش وغيرها وبيعتبر قطاع مهم من قطاعات الاقتصاد الوطني ودا غير أنه اتعرض لأزمات كتير من سنة 2022 لغاية دلوقتى ورغم أن الأزمات كلها اتحلت في باقي الأسواق لكن فضل قطاع السيارات يعاني لغيو اللحظة دي.
طيب ليه أسعار السيارات رجعت تزيد بالشكل الكبير ده ؟
زي ما شرحنا لحضراتكم اللي بيحكم السوق حالة. العرض والطلب حسب مسؤولي شعبة السيارات والارقام الموجودة قطاع السيارات قطاع قوي وبيعاني من نقص المعروض و عدم وفرة السيارات بتسبب ارتفاع أسعار السيارات وطول ما الوضع ده استمر هتفضل الأسعار في الطالع لغاية ما نوصل لمرحلة الركود الاجباري وهي إن السيارات مش هتتباع بسبب سعرها العالي.
طيب ايه سبب ارتفاع أسعار السيارات كده؟
شوف حضرتك زي ما قلنا إن السبب الرئيسي هو نقص المعروض فلازم نعرف سبب نقص المعروض في الأول واللي بيرجع اساسا لتوقف استيراد السيارات بشكل شخصي وكمان وقف استيراد سيارات المعاقين ودا غير وقف برنامج تسجيل دخول السيارات في المواني ودا لغاية الحكومة ما تحط قواعد جديدة للاستيراد بعد اكتشاف تلاعب في إجراءات الاستيراد وتحديدا بخصوص استيراد سيارات المعاقين المدعومة من الدولة واللي رجعت تلاحق التجار اللي استفادوا بيها وباعوها في السوق الحر بأسعار كبيرة.
ولأن الوضع الحالي صعب ووقف حال البيع والشراء التجار وشعبة السيارات ومعاهم المواطنين طلبوا من الحكومة سرعة التدخل والسماح بالاستيراد للسيطرة على الأسعار لغاية ما تعتمد الإجراءات الجديدة للاستيراد لأن كل تأخير فيه زيادة جديدة في السوق وهتفضل تزيد لغاية ما تدخل شحنات جديدة من السيارات والسوق يوصل لنقطة التوازن قبل ما الاسعار ترجع تنزل تاني لما السوق يلبي كل الطلب على السيارات والمعروض يزيد.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
