يفتتح «موقع الحادثة» ملف شركات العقارات بائعة الوهم للمواطنين، حيث حذر محمود رأفت، صاحب توكيل سيارات في دمياط من التعامل مع شركة إعمار رزق جروب؛ وذلك بسبب سياستهم في البيع مع المتعاقدين قبل ارتفاع أسعار الوحدات - على حد قوله.
شركة إعمار رزق جروب
وقال صاحب المشكلة مع شركة إعمار رزق جروب: «تعاقدت مع شركة ERG؛ إعمار رزق جروب في مشروع مونوريل تاور من 3 سنين.. وبعد سنتين اتفاجئ أن الشركة حتى الأن لم تقم ببناء أى شئ فى المشروع مما اضطره للذهاب كعميل جديد يرغب فى الشراء لمعرفة تفاصيل ما يحدث ولماذا لم تقم الشركة ببناء أى شئ حتى الآن».
وتابع صاحب المشكلة: «لقيت إن الوحدة بتاعتى اللى كنت شاريها بعد ما كانت على الواجهة اتفاجئت انها خلفى .. ورسم المشروع اتغير والمحل بتاعى اتغير فعملت مشكلة كبيرة ووقتها قالولى هنديك وحدة جديدة على الواجهة بس أكبر شوية وهتدفع الفرق بالسعر القديم».
وقال “ قولتلهم عايز أتاكد من شركة العاصمة الإدارية فقالولى مالوش لزمة أنت هتعمل شوشرة فوافقت وكتبت شيكات جديدة وغيرت العقد من القديم للجديد ومعايا كل المستندات والأوراق القديمة والجديدة”.
وتابع صاحب المشكلة مع شركة إعمار رزق جروب: «اتفجئت أنهم حطوا شروط في العقد الأولانى لو هما اتاخروا يدفعوا كل شهر 1% من إجمالى قيمة الوحدة ولو العميل اتاخر بيدفع 2% من اجمالى قيمة الوحدة أما العقد الجديد لو هما اتاخروا يدفعوا 1% من قيمة القسط أما العميل 2% من قيمة الوحدة».
تفاصيل واقعة شركة إعمار رزق جروب
وقال : «اكتشفت انهم أخروا التسليم دون اخطارى ..وبالصدفة اكتشفت الموضوع بعد ما روحت المشروع ونواياهم مش مظبوطة ومش بيبلغونا بحاجة»، متابعًا: «أنا روحت المشروع فى شهر 7 السنة دى 2024 ولقيتهم لسه ماعملوش حاجة فى المشروع ولسه شغالين من أسبوعين».
واستطرد قائلًا: «نزلت فيديو ولما الموضوع سمع صاحب الشركة محمد رزق طلب من الناس اللى شغالة معاه أشيل الفيديو مقابل التوصل لاتفاق فقولتلهم أنا مش محتاج حاجة أنا عايز الوحدة بتاعتى أنا دافع فلوس فيه ومش هسيبه.. فقالولى طيب تمام التزم معانا».
واختتم: «بدأوا الشغل من أسبوعين واكتشفت إنه محمد رزق بعد اللى عملته كان « مبيت النية» عايز ما يسحبش القسط لمدة مرتين وبعدها يسحب منى الوحدة فا علشان كده بعتله الرسالة وفكرته بنفسى بس هو شاف الرسالة وعملى بلوك».
تابع أحدث الأخبار عبر
){kind=link}